El Teixedelu, conocido también por su nombre parcialmente castellanizado Tejedelo, es uno de los rincones naturales más emblemáticos de la provincia de Zamora. Situado en el término de Requeixu (Requejo de Sanabria), alberga una importante representación de teixos o tejos, muchos de ellos milenarios. El paraje, reconocido desde hace algunos años como LIC (Lugar de Interés Comunitario), está señalizado y es frecuentemente visitado por senderistas y amantes de la naturaleza. El texto que traemos hoy, escrito por José Alfredo Hernández y publicado originalmente en la revista El Llumbreiru en 2006, describe en la lengua local el ascenso hasta el lugar.

Como hemos hecho en numerosas ocasiones, insistimos en la importancia de respetar y fomentar los topónimos tradicionales en carteles, paneles, señalizaciones y todo tipo de soportes informativos que se realizan con fines divulgativos y turísticos, pues consideramos que las castellanizaciones innecesarias que tan a menudo se hacen restan valor y singularidad a este tipo de parajes.

Teixedelu – J.A. Hernández

Senabria ye una tierra formosa na que s’alcuentran bien d’esos llugares que sin duda podemos dicir máxicos. Nellos, el paisaxe, tecíu por os filos da naturaleza y el traballu secular del home, llévanos, cumo nun viaxe iniciáticu, al fondu del nuesu ser más auténticu, esa conciencia antigua del humanidá qu’hoguaño estamos olvidando. Llagos escondíos na sierra cumo sartas de craru cristal qu’os glaciares fonen arramando na sua fuyida, nel deseyu de quedarnos el sou recuerdu perdurable; ríos bravíos que cuerren burllando á lluz del sol embaxo da sulombra dos escuros oumeireos; peñeos graníticos espetaos cumo talayas dende os que nas nueites del iviernu oulla’l llobu, chamando a os viellos espíritus ancestrales del mundu.

Poucos sitios, sin embargu, atopamos onde a viella Senabria siga tan presente cumo nel Teixedelu de Requeixu. Eillí, nel aveséu da sierra de Parada, aguárdanos el más imponente santuariu da rexón, un santuariu que nun sostienen columnas de piedra sinón os tueros milenarios dos teixos. Pa chegar dende Requeixu, cruzamos el viellu caminu dos pelegrinos, pasamos xunta del cementeriu y lluego, por cima d’una guapa puente, sobre’l ríu Requeixu. Dende eillí, a breya vai chubíndonos por entre urces y abeduros, y alredor de nosoutros nun paran d’aparecer todas as evidencias del progresu, da nueva vida que marcha apriesa, onque sin saber mui bien pa ónde: autovía, carretera, ferrocarril, aereoxeneradores, a todos houbo que meter encalcaos nel pequeñu espaciu d’esti estreitu valle que chube pal altu del Padornelo.

Siegros de meter llume al monte fonen roubando llugar a os carballales y proclamando’l reinu coloríu das urces y os chaguazos, das xestras y carqueixas. Imposible a selombra, el sol manca os güellos, qu’agradecen por fin el chegar al entrada del monte, que ye nel sou comienzu numás una touza de carballos nuevos.

Dende eillí, el carril empúntianos pouco a pouco, casi sin lo querer, hasta’l mesmu corazón del monte, hasta’l regueiru que baxa del picu Cinseiru, y que saltamos pa pasar, cumo Alicia, al outru llau del espellu. Eillí está: el mundu maravillosu, sorprendente, salváu cumo de milagru; os tueros retorcíos dos viellos teixos, conas escuras cascas cubiertas de mofos, callan robendo’l secretu del eternidá. El escuridá en plenu día aturrulla cumo si nun estuviéramos ya sobre a superficie da tierra sinón nel sou interior, nel fondal d’una cueva. Eiquí se paróu’l tiempu del mundu, y párase’l nuesu –esi viellu sueñu de todos os homes de todas as épocas: parar el tiempu y burllar d’esti modu á muerte– mientras caminamos casi a tientas, afarfallando, buscando unu a unu os xigantes de madeira entre espesuras d’acebros y d’avellaneiras.

Despuéis, al escurecer, chega’l momentu de marchar: deixamos con pena esti verdadeiru embeligu das montañas, y pouco a pouco, cumo nun partu sonce, vamos volvendo al outru mundu, al mundu da priesa y el ruidu. Esi mundu que precisa muita enerxía porque se mueve muito, porque vai y vuelve, y cuerre correndo sin parar: olvidando qu’asina, tampouco nun vai conxurar á viella filandeira.

Bibliografía

Alonso Proy, S. (2020). Xeira. Compendio gramatical de sanabrés. Zamora: Furmientu.

Hernández Rodríguez, J.A. (2006). Teixedelu. El Llumbreiru, 6.